الـــبــــ(✍🏻) ـــــارت [ 1️⃣
_*البارت الأول*_
🔵🔵🔵🔵🔵🔵🔵🔵🔵🔵🔵🟣🟣🟣🟣🟣🟣🟣🟣🟣🟣🟣
• بضيعة صغيرة سكانها قلال ،الكل بيعرف بعضو بيجتمعو عالحب، الصغير بيحترم الكبير، كل يوم في جَمعة صباحية للنسوان الكبار و ع جنب بيلتمو الصبايا وبتعلا صوت الضحكات بعيدة عن المدينة وناسها والضجة يلي فيها ، محلات ودكاكين صغيرة بتلبي احتياجات اهل الضيعة ومدرسة صغيرة فيها ولاد الضيعة من صف الاول ل البكالوريا ونادر جدآ يلي بيدخلو للجامعة لانو لازم يسافرو عالمدينة يلي بتبعد 3ساعات عن هالضيعة الحلوة المكسية باللون الاخضر 💚
• ڠرآمْ..صبية بعمر 23 نحيفة شعرا اسود لنص ظهرها ،عيونها بني، بشرتا حنطية، قصيرة شوي طولا150 سنفورة🤗 ماتت إمها وهية عم تولدها گآنت اول مولود لأهلها ،عايشة مع أبوها و"نورا" مرتو لأبوها و حلا اختا من أبوها .....مرت أبوها منيحة كتير معها شفقت عليها انولدت وربيت بلا إم بس لما كبرت اختا حلا بلشت مرت الأب تميز بنتها شوي كان بدها ياها تكون الاحلى وأوعى ومميزة بالضيعة بس غرام بروحا الحلوة وبرائتها كسبت قلب كل اهل الضيعة ...
• غرام : صباحوو ماما نورا ليش تركتيني نايمة لهلئ
• نورا :يسعد صباحك حبيبتي معلش خليكي نايمة انتي وحلا مافي شي علينا شغل البيت خالص من الليل وابوكي بشغلو وانا هي جيتي من صباحية النسوان
• غرام: ايوااا وين كانت الصباحية اليوم ??الصبايا كانو مجتمعين كمان?
• نورا: كنا مجتمعين عند الحجة ام فواز والصبايا مو كلن اجو بس هالمايعة سارة والشلة تبعا
• غرام:ههههههههه هي سارة بتموت اذا راحت عليها شي قعدة او خبرية بدها تكون هية الكل بالكل وبتعرف كلشي عن الكل واحسن من الكل
• نورا: هههههه اي والله بس الحق مو عليها الحق ع امها تاركتا قال تصير متل بنات المدينة بكرا هي البنت غيرتا وحقدا رح ينزعولا حياتا
• غرام :ما علينا الله يهديها احسن شي ويبعتلا ابن حلال يضبها انا والله كنت بحبا بس صرت اختصرا من وقت ما شفت افعالها وحشريتا وفوق هيك كل تنخطب بنت بالضيعة بجن جنونها وبتصير تحوص حولين البنت والشب لتعمل مشاكل ...
• نورا : هالبنت المشاكل بدمها ... بس بتعرفي شو بظن انو اذا انخطبت وتزوجت بتهدا وبتكن .. انا والله من هلئ خايفة عليكي وع اختك حلا اذا نخطبتو قبلا والله لتجن وتعملنا كل يوم قصة
• غرام : /هية وعم ترتب شعراتا/ههههههههههه قولتك حاكم هية بتغار مننا كتيرر الله
• نورا: الله يبعتلك نصيبك ياغرام ليصير دور بنتي حلا وافرح فيها
• غرام: يعني اذا انا ماتزوجت مابتزوجيها
• نورا:لك انتي اكبر منها ب3سنين لازم زوجك انتي بلاول وبعدين دورها
• غرام:..........
• نورا: يلا غرام روحي فيقي حلا وضبو فرشاتكن وتعو نفطر يلا بسرعة انا فايقة من زمان عصفير بطني زقزقت
• غرام: اي يلا
راحت غرام ع غرفة اختا لتفيقها
(البيت متواضع كتير وفرشو عادي
مكون من3غرف وصالون
غرام غرفة،و حلا غرفة ،والام والاب غرفة )
قعدو التلاتة يفطرو و حلا حملت الريمونت وصارت تقلب بمحطات التلفزيون
• نورا: لك حلا تركي التلفزيون وكلي منيح
• حلا: اي امي بس ثانية عم دور ع شي
• غرام : اكيد ع برنامج اخبار النجوم
• حلا: ههههه اي طبعا خلينا نشوف المشاهير كيف عايشين 😍
• نورا:الله يكبرلك هالعقل بس بدي اعرف شو بتستفادي من اخبارن .....الحمدلله شبعت غرام صبيلي شاي
حلا علت صوت التلفزيون يييييي ليكو هاد أمير ابن الحقير الاغا تبع الضيعة صار يطلع ع اخبار المشاهير
[ ] المذيعة; أمير بيك منرحب فيك مرة تانية وانشالله يكون الافتتاح نال اعجابك .
[ ] أمير : /هز براسو وقال/ الافتتاح هاد رح يكون خطوة حلوة وجريئة وانا كلشي جريء بنال اعجابي
[ ] المذيعة; حضرتك بتكون حفيد صاحب اكبر شركات البلد الجد أميرالآغا ومن بعد وفاتو الوالد مااستلم هالشركات وانت كنت بعيد عن هالامور شو السبب ياترى
[ ] أمير ; من بعد وفاة جدي أمير آغا الله يرحمو ابي عمل توكيل لمدير اعمالو بكلشي والسبب انو والدي متعلق كتير بضيعتو وارضو ومابحب اجواء المدينة ومن بعد ما خلصت دراستي واختصاصاتي رجعت لمملكة الآغا واستلمت زمام الامور/ضحك ضحكة جانبية وبينت غمازتو يلي بتشل ......
• نورا: اي يابعدي عاش كل حياتو برا درس بأحسن الجامعات وعندو بالمدينة شركات مابتنعد وداير ع اهل الضيعة ع دفع ضرايب وعم يقاسمنا برزقنا
• غرام عم تضب السفرة: هدول الاغنياء عندن جشع موطبيعي بتمن معلقة من دهب ومابيشبعو
المسا رجع ابوها لغرام من شغلو وكان مو ع طبيعتو وبعد العشا قعدو معووبلشو يستفسرو عن سبب انزعاجو
• الاب : لك هالدكانة الصغيرة يلي عم اتعب واشقى فيها ليعيشكن منها هلئ جاي الآغا بآخر عمري يقاسمني برزقتها
• نورا : يييي شلون يعني يقاسمك مو كل شهر بتدفعلو الضريبة
• الاب: اي كل شهر انا وكل اهل الضيعة مندفع الضرايب بس الأخ شكلو طمع اكتر وضل جوعان ماعم يشبع ،إجوني كم واحد من رجالو قال لازم صير سجل كل شي بفوت وبيطلع من هالدكان وبأخر الشهر الآغا رح يشرف ويقاسمني عالنص واذا اعترضت رح ياخدو الدكانة ك
لها ومتل مابتعرفو مافيني اشتكي اصلا الحكومة تحت باطو😶
• حلا: طبعا رح تكون الحكومة تحت باطو من كتر مابيدفعلا شي اعمال خيرية وشي ابناء الشهداء وشي فقراء ومخفر ضيعتنا بناه ع حسابو 😏
غرام ضلت ساكتة وخبت زعلها ع ابوها بقلبا وصارت تفكر كيف ممكن يطلعو من هالورطة عملت نظرة عالاسوارة الدهب يلي بإيدها وخطرلا انو تعطيا لرجال الآغا رشوة ليكفو بلاهن عن ابوها بس هدول متسلطين واذا عطتن اسوارة دهب بيطلبو جمل بعدها ومابيخجلو.
حطو راسن ونامو وكل واحد فيهن عم يفكر كيف لازم يخلصو من هيك بلوة
طلع الصبح وحست غرام ع شي عم يمشي ع انفها، فركت انفها وفتحت عيونها كانت رفيقتا رهف عم تمشي شعراتا ع انفها ضحكت غرام وقعدت بفرشتا
• غرام: صح انو صباحك غليظ متلك بس حلو
• رهف: غليظ متلي وحلو متلك🙄
• غرام 😕 عم تتاوب/ شكلو الصباحية عنا اليوم
• رهف: اي كل النسوان برا والصبايا عم يتمشوا اجيت فيقك تتمشي معنا ... لك شبكي رح ينشق تمك حاجة تتاوبي شوايمت اندفستي مبارح
• غرام : ع قدما فكرت مابعرف ايمت وشلون نمت
• رهف: بشو عم تفكري
• غرام :قايمة غسل وغير بجامتي وبحكيلك
• رهف: يلا بسرعة
غسلت غرام وغيرت تيابها وطلعت مع رهف يلحقو الصبايا ويتمشو معن وهنن عالطريق حكت لرفيقتا عن مشكلة ابوها
• غرام : بدي جيب رقم الآغا واحكي معو
• رهف : ولي عليكي سهل نجيب رقمو بس شو بدك تقوليلو لك هاد الختيار بقولو عنو صايع اكتر من الشباب يعني بتكون عينو الدكان بتصير عليكي خليكي بعيدة عنو وفكري بشي تاني
• غرام :يالله لك سكر مخي مو عرفانة شو بدي اعمل ...يبعتلو حمى لعت نفسي انا كل عمري بحلم بفارس احلامي يلي بجنن وبشل وبلاخير ورط نفسي بهيك ختيار😪
الضيعة كانت عبارة عن شارع متوسط والبيوت موزعين ع يمين وشمال الشارع يلي متفرع بين البيوت والشجر حولين الضيعة /يعني أي سيارة بتمر من هالضيعة بتمر من بين البيوت/
هنن وعم يتمشو الصبايا مرو 3سيارات سودة فخمين وعرفت غرام انو هالسيارات للآغا
_أمير ابن الآغا كان راجع عالضيعة ليشوف ابو من بعد سفرة طويلة كان في سيارة قدامو وسيارة وراه وهو بالنص..
وقفت غرام وصارت تأشر للسيارات ووقفو الصبايا صارو يتفرجو عليها مستغربين ......
وقفت اول سيارة ونزل الشوفير الشباك وقلها خير شوبدك ?انتي بنت مين??
• غرام ;انا بنت ابو غرام صاحب الدكان يلي بآخر الضيعة عندي مشكلة صغيرة مع مين فيني احكي ليساعدني
• الشوفير :ليش شو مشكلتك انتي ?
• غرام :المشكلة كبيرة وخاصة شوي يريت تقلي مين بيقدر يساعدني من القصر
_أمير استغرب لمت البنات الكتيرة ووحدة منن واقفة مع الشوفير
كانت نظرتو للبنات دائمآ انهن سيئين وبلا اخلاق وممكن يعملو اي شي كرمال المصاري، شال النظارة السودة عن عيونو العسليات وقال للشوفير
• أمير :زمرلو خليه يستعجل مو وقت المعشقة
• حاضر يابيك .. حط ايدو عالزمور مرتين ليوضح انو البيك متدايق من هالوقفة
• الشوفير لغرام : البيك مستعجل ومالي فاضيلك عندك مشكلة تعالي عالقصر انتي او ابوكي ومنشوف
• غرام : /عم تفكر طالما قال البيك مستعجل يعني ليش حتى أجلها خَيرُ البر عاجله بلكي الليلة بابا بنام مرتاح البال
-وركضت عالسيارة يلي بالنص وفتحت الباب واتطلعت بأمير مندهشة لانها فكرت البيك الكبير يلي بالسيارة
ودغري نزلو تنين حراس مسكوها من زنودها
• غرام : عفوا منك بعتذر ع اسلوبي بس عندي مشكلة وشوفيرك ماقبل يساعدني
• أمير /رفع اصبعتين للحراس تركوهاورجعوطلعو بالسيارة وقلا:
مو فاضي لقصصك ومشاكلك وتاني مرة بتحترمي حالك احسن مايصير شي مابيعجبك
-ضلت غرام واقفة مصدومة من ردو وانو ماحاول يعرف شو مشكلتا
والسيارات مشو بسرعة واختفوو....
والصبايا ركدو لعندا عم يسألوها شو بدها من امير وطاير عقلهن فيه....
‹حموﯡډي اࢦۦشـاامـﻱَﮧ .
+963 986 820 781
رجعت غرام علبيت وخاب أملها بأنو يكون حل مشكلة ابوها بإيدها ورجعت تفكر بحل جديد خلص النهار بوجع الراس من كتر مافكرو ومرقو 3ايام كل شوي وحدة تقترح حل بس هاد الآغا مين بيقدر يقلو لاء.....
تسحبت خيوط الشمس ع غرفة غرام وبعدها غرقانة بنومها فاتت نورا وبلشت تصحيها فتحت غرام عيونها البنيات
• غرام ;صباح الخير ..شو قديش الساعة
• نورا:صباح النور ...لسا شوي وبتصير 7 عم فيقك بكير بدي منك تقومي لعند النبعة الصغيرة وتجيبي كم ورقة من شجرة الجوافة
• غرام : ورق جوافة ومن الساعة 7 ليش
• نورا:حبيبتي كنت رحت انا بس مسكينة هالختيارة ام فواز كتير تعبانة بدي روح لعندا قال مو نايمة طول الليل من السعلة رح تختنق قومي استعجلي وجيبي ورق الجوافة خليني اغليهن واسقيا ياهن بلكي بتهدا وبتاخد نفس رح يوقف قلبا يحرام
• غرام: يلا قايمة البس
لبست غرام فستان طويل باللون الرمادي الفاتح وعليه ورد ناعمة والو فتحات صغيرة عند الكتاف وطلعت لعند النبعة كانت المسافة تقريبا ربع ساعة مشي
وصلت لعند الشجرة ووقفت ع صخرة صغيرة وقطفت كمية منيحة من ورق الجوافة ونزلت لعند النبعة شربت مي ومشت...سمعت صوت خيل🐎 وارتسمت ضحكة ع وجها ومين مابيعشق الخيل😍 ولحقت الصوت لتشوف الخيل بس غابت هالضحكة لما شافت الخيل و أمير بيك واقف قدامو عم يمشي ايدو ع غرة الخيل ترددت تقرب تحكي معو منشان ابوها ولا لاء
قوت قلبا وقالت يلي بدو يصير يصير
قربت لعندو وهو عاطيا ضهرو
• غرام . صباح الخير
التفت امير عليها بكل هيبة وأخد ثواني لتزكرها(كان لابس بنطلون اسود كلو جياب وكنزة بضي بيضا نص كم ضب ع عضلاتو البارزين)
• أمير : انتي نفسا هديك البنت
• غرام :قربت خطوتين وهزت راسها هية وعم تفرك ورقة الجوافة بإيدها ..اينعم يا بيك هي انا بعد اذنك عندي مشكلة وبدي من.
• امير:قاطع كلامها . قديش بدك?
• غرام : مافهمت عليك قديش شو ?
• امير :،بالعكس فهمانة قصدي كتير منيح قولي المبلغ ولوين بدك توصلي
• غرام: انت مفكر المصاري كلشي بالدنيا
• امير : هاد تفكيركن انتو
• غرام :........ سكتت وماعرفت شو تجاوبو من هالكلمتين عرفت انو مارح توصل لحل معو
/ عن اذنك / لفت ضهرها ومشيت كم خطوة
• امير: كيف بتتجرأي تلفي ضهرك عليي ونحنا بعدنا عم نحكي ولا يظهر انك ماقدرتي توصلي لغايتك
ابتسمت غرام ابتسامة صفرا من تفكيرو وفضلت ماترد ولاتناقشو وكملت مشي
، امير مشي وراها بسرعة وسحبا من زندا لعندو وخبطت بصدور القاسي
(أمير عمرو30سنة عيونو عسلي فاتح بشرتو حنطية من لون بشرة غرام شعرو بني غامق ناعم كتير بضل ينزل ع وجهو
إلو غمازة محفورةبخدو اليمين دقنو سودة ومعباية بتشلللل عضلاتو كبار وقاسيين متل الحجر من كترلعب الرياضة وطولو188يعني غرام بتجي لعند خصرو 😂😪)
لما سحبها لعندو وخبطت بصدرو القاسي بلعت ريقها غرام من طولو ، من بعيد بيختلف لما تكون قريبة منو لهدرجة وامير اخد نظرة ع ملامحها وحسها متل اللُعبة بإيديه
• غرام: اذا سمحت اترك ايدي
• امير : من الآخير انتي شو بدك
• غرام 😕 حست بأنفاسو القريبة منها وتلبكت كتيرر لفت وجها ع جنب وقالت/ بابا عندو دكان صغيرة وبيسترزق منها والآغا بعت رجالو لياخدو الدكان من ابي
• امير بسخرية :دكان صغيرة بهيك ضيعة كم مليون بدك فيها
• غرام : رجال الآغا قالو انو بدو ياخدها هيك بدون مايعوضنا
• امير : اييي وحضرتك جاية لعندي بدك انا ادفعك وبتكونو من الاساس مستلمين حقها من ابي ..ع مين مفكرة حالك عم تضحكي ،شكها امك مو معلمتك المصلحة منيح
• غرام : حست بغصةبقلبها من كلامو خصوصا لما زكر امها كانت رح تبكي بس مسكت اعصابها ورفعت عيونها ليلتقو بعيونو وقالتلو : خليت التربية والتعليم لإمك ..نترت ايدو ومشت بسرعة وكاتمة دموعها
• امير :حس النار عم تمشي بعروقو اول مرة حدا بيتجرأ يحكي عن امو من بعد ماماتت حتى ابوه ما بيسمحلو يحكي عنها : وقفي عندك
- سمعتو غرام بس ضلت ماشية وماردت
مشي بسرعة وراها ومسكها من شعرا وقلا :بتتزكري انا شو قلتلك هديك المرة
بتحترمي حالك احسن مايصير شي مابيعجبك
• غرام :مو لتكون حضرتك محترمني لحتى بادلك الاحترام
• امير : انتي مين ابوكي?باعت بنتو تطاول ع اسياديو ? شو هالوقاحة والترباية هي بس لاعرفو لإدعس...
• غرام : اصحك تجيب سيرة ابي ع لسانك الوسخ ياحقير
كانت عصبية امير من كلامها معو واضحة من النار يلي عم تقدح من عيونو بس ماخلتلو مجال ليرد وكملت
• غرام : سيرة ابي وتربايتو اشرف من انگ تجيبا ع لسانك، أبو غرام يلي كل الضيعة بتحلف براسو بيدعس ع اكبر راس بهالبلد ولو كان راسك....
• اميرمن كتر عصبيتو و وقاحتها رفع ايدو وضربها كف بدون مايحكي ولاحرف
-نترت ايدو مرة تانية ومشيت بسرعة ودموعا عم تبلل خدودا وأمير بعدو واقف مكانو وصدى صوتا براسو
/ابو غرام يلي كل الضيعة بتحلف براسو بيدعس ع اكبر راس بهالبلد ولو كان راسك ....ولوكان راسك.. ولو كان راسك /
ركب الخيل وتوجه عالقصر من اول مافات عالصالون صار يحل ڤازات وصمديات ويكسر ويصرخ لحد ما فرغ غضبو ...نادى للحارس وقلو :بعتلي حدا بيكون بيعرف اهل الضيعة منيح وبلاخص يلي اسموابو غرام بدي اعرف كلشي عنو كلشيييي
_غرام وصلت لعند ام فواز وشربوها مغلي ورق الجوافة ونامت واعدت تفطر مع اختا ومرت ابوها احتارت تحكي يلي صار معها ولا تضل ساكتة بس قررت تقول ل رفيقتا رهف وتشوف رأيها خلصت فطورها وقالت لحلا تجلي وطلعت بسرعة لعند رهف وقالتلا كلشي صار
• رهف: ولي ولي ولي متوقعة هيك بني آدم شو بيطلع منو
• غرام ;لاتقولي بني آدم هاد وحش .. حيوان ... تور هايج لك الله لايوفقو خدي عم يوجعني حاسستو متل النار
• رهف :انا برأيي تقولي لأبوكي لاني بظن انو مارح يسكتلك ابدااا
• غرام : ياخوفي بس مايعمل شي لأبي منشان ينتقم مني
• رهف:😨معقول يقتلو وياخدو الدكان
• غرام : تفي من تمك ولي عليكي رح تموتيني من الخوف، يااارب تسترر يااارب تعمي عيونو عن بابا ياااارب
_بعد العصر رجع ابوها لغرام عالبيت
وكانت غرام عم تضفر شعر حلا
• نورا :يعطيك العافية شو راجع بكير اليوم
• ابو غرام :الله يعافيكي ...
• غرام :بخوف . بابا حطلك غدا اذا جوعان
• الاب:........ .
• نورا :شبك يازلمة صاير معك شي
• الاب: فايت اتسطح تركوني لحالي شوي
فات الاب لغرفتو تارك الكل بحيرة والخوف عم ياكل غرام ....راحت غرام هالغرفة ودقت عالباب دقة خفيفة بس،ماسمعت رد من ابوها ورجعت دقت الباب اقوى بس مافي رد ... تسلل الخوف والرعب لقلبها ومسكت ايد الباب وفتحت بهدوء وهية خايفة ع ابوها
مدت راسها شافت ابوها قاعد عالتخت مقابيل المراية وصافن قربت شوي شوي وقعدت جنبو حطت ايدها ع كتفو وطلع من شرودو
• غرام :بابا صاير معك شي ..دقيت عالباب مرتين وماسمعتني
• الاب: كنت عم فكر بشغلة ماتهكلي هم مافي شي
• غرام :بابا اذا صاير شي قلي لانو بصراحة انا كمان صارت معي شغلة وبدي قلك ياها
وجه نظرو ابوها لعندها وهز براسو وعم يستناها تكمل
• غرام : اليوم شفت ابنو لل الآغا
• الاب : أمير بيك?!!
• غرام : اي امير وحكيت معو منشان الدكان بس طول لسانو عليي ووقفتو عند حدو
• الاب:طلع يا محلا ظلم الآغا الختيار قدام ظلم وتكبر ابنو امير هه وقال دارس دراسات عليا ..شونفع الدراسة والمراتب العالية بدون اخلاق ودين
• غرام : ليش بابا هاد امير شوعمل!
• الاب: رح ياخد كلشي محلات بالضيعة مو بس محلي وقال احتمال ياخد كم بيت كمان بدو يعمل مكانن مشروع سياحي
• غرام:..😨الله لايوفقو كلشي محلات وبيوت كمان لك شو طينتو هاد كل الشركات والاموال تبعو ماعبت عينو
• الاب : بنتي راسي عم يوجعني كتير خليني اتسطح وارتاح لنشوف لوين رح نوصل
_طلعت غرام ودموعا بعيونا وحكت لمرت ابوها نورا كلشي
ويوم بعد يوم انتشر الخبر بالضيعة انو ابن الاغا بدو المحلات وقسم من البيوت للمشروع السياحي اجتمعو كم رجال كبار وراحو عالمخفر ليشتكو بس كان رد الضابط انو هيك مشروع سياحي كتير منيح للبلد وللضيعة رح تصير معروفة وفيها سياح وأكيد امير بيك مابقصر بدفع حقوق صحاب المحلات والبيوت وبعد يومين كمان رجعو اجتمعو الرجال وطلعو ع قصر الآغا ليحكو معو بخصوص تسلط ابنو البيك امير
بس رجع ابوها لغرام بصدمة كبيرة
• الاب : لك انتو ماعم تفهمو عليي امير بدو يتزوج غرام بدو بنتي تكون كبش الفدا
• غرام : وانا موافقه
‹حموﯡډي اࢦۦشـاامـﻱَﮧ .
+963 986 820 781
• غرام : انا موافقة
• نورا : انتي شو عم تخبصي
• الاب : ع جثتي مابجوزك لهيك ناس
• غرام : بابا ماما اهدو شوي وفكرو معي بهدوء
• الاب : لابدنا نفكر ولابطيخ انا دغري قلتلو عرضك مرفوض ... انتهينا قومو ع غرفكن
• غرام: بابا اسمعني انا اذا اتزوجتو فيني اعمل مشكلة وقلو طلقني وبرجع لهون وعفا الله عن ما مضى ... بس البيوت والمحلات اذا راحو مابيرجعو
• الاب : رح ترجعي مطلقة والله بيعلم اذا رضي يتركك بحالك
• نورا : خصوصا اذا حبلت دغري مابتركها لو بدها تموت منشان ولي العهد تبعو
• غرام: اسفة بابا ع جرأتي بس انا مارح اسمحلو يلمسني وفي حوليه كومة بنات ليل هون وبالمدينة وبلاخير رح يمل مني ويطلقني
• الاب :............
• غرام : بابا لو القصة بس دكانتك كنت سكتت بس شو ذنب اهل الضيعة تروح دكاكينن وبيوتن بسببي
• نورا : اووووف يعني اهل الضيعة حاطين أملهن فيكي
• غرام اي بابا بترجاك وافق
بوعدك ماخليه يلمسني نجوم السما اقربلو ومن وقت ماتقلو بنتي موافقة رح خليه يشوف شي بعمرو ماشافو والله لخليه يحكي مع حالو
• الاب :.... .
مضت ايام واهل الضيعة كل يوم يجتمعو عند ابو غرام والحزن يلي بعيونن وقلة الحيلة خلت ابو غرام يوافق والدمعة بعينو
اجا أمير وابو الآغا وحضرو رجال الضيعة وطلب ايد غرام والاب وافق بشرط انو يتعهد مايقرب ع املاك اهل الضيعة وامير وافق وقرأو الفاتحة وحددو كتب الكتاب بنهاية الاسبوع
وغرام بغرفتا معانقة رهف وحلا وعم تبكي من كل قلبها
• سارة عم تحكي بمياعة :اي ولو غرامو حظك ضارب بالسما مابكفي اخدتي شب شخصية وبجنن وفوقا اموال مابتاكلا النيران
• نورا : لك ريتا هالنار تاكلك اي شايفة هالحكي هلئ وقتو
• سارة كنتو اعرضوني عليه اذا وافق ياخدني بدال غرام ما رح اعمل هالمناحة وكانو حدا ميتلي
• رهف :سارة خلصنا عاد اخرسي
• سارة :لك .....
• نورا : قاطعتا . خلصنا سارة يا اقعدي من تم ساكت يا أما روحي ع بيتكن مالنا متحملين ولا كلمة ها
قعدت سارة وحطت رجل ع رجل وعم تهز بتوتر حتى هيك جوازة بالغصب حسدت غرام عليها
_اجا يوم كتب الكتاب كان امير وغرام موشايفين بعض من وقت الكف ، وتم كلشي وحددو العرس بعد اسبوعين
لما طلعو الرجال ضل امير مع غرام واهلا طلب انو يقعد مع غرام لحالن
فاتت حلا ع غرفتا و الاب والام فاتو عالغرفة ،ضلت غرام مع امير بالصالون
شابكة ايديها ببعض وعم تهز رجلا بسرعة وعم تطلع عليه وعيونها حمر متل الجمر بس بدها تبكي
امير قاعدة مقابيلا حاطط رجل ع رجل وعم يتفحصا بعيونو وراسم ابتسامة نصر ع تمو 😏
• امير :...... حليانة ها 😉
• غرام : هاد هو انتقامك
• امير : امممم مو بس حلوة وزكية
توقعتك تكوني طايرة من الفرح رح تصيري خانم تلبسي وتاكلي متل الناس
• غرام :ما رح رد عليك ..كل واحد بيحكي عن يلي ناقصو وانت ناقصك اكل ولبس
• امير : قام بنترة وقعد جنبها ونكشها ع كتفها وقلا : وانتي ناقصك الادب والاحترام
• غرام :الآحترام مابينفع مع الكل ...في ناس مابتقتنع لتنمسح فيها الارض🙂
• امير مسك وجها بايدو ومن كتر عصبيتو قلا : بوعدك رح تندمي عالساعة يلي انولدتي فيها
• غرام مغمضة عيونها وقلبا رح يوقف من طريقة مسكو لوجها وحاسة العظام عم تفرط بين ايديه
نتر وجها ع جنب وحمل موبايلو والنظارات الشمسية عن الطاولة وراح
اول ما طلع من البيت انفجرت غرام وصارت تبكي طلعت نورا لعندا وضمتا وابوها جوا بالغرفة عم يسمع بكاها وقلبو عم يعصر وجع ع بنتو وموطالع بإيدو شي .....
_بعد اسبوع إجا أميربيك وأخد غرام عالمدينة ليجيبو فستان العرس وضلو3ساعات طول الطريق ساكتين
دخلت غرام وشافت الفساتين واختارت واحد وأمير قاعد بغرفة مع صاحبة البوتيك وماعمل اعتبار ولا قيمة لغرام
• الصبية:ألف مبروك مدام ، زوئك كتير حلو وموفقة بس نخلص تعديلات الفستان المندوب بيوصلو عالعنوان المطلوب
• غرام :/متلبكة ومع ضحكة مصطنعة/ كلك زوء ميرسي
وضلت واقفة مكانها مو عرفانة شو تعمل أمير شافها من شاشة كاميرات المراقبة وطلع لعندها
• امير :معك حق تضلي واقفة هيك متل الحيط بعمرك مو شايفة هيك اماكن لك حتى الموظفين هون بيفهمو بلإيتيكيت أكتر منك
• غرام :............😶
• امير : شو اكلو القط للسانك.......إنقبري عالسيارة
رجعو عالبيت وطول الطريق أمير مطنشها ومقضيها اتصالات كرمال المناقصات والشغل وامور العرس
وصل قدام باب بيتها واتطلع عليها بطرف عينو حملت جزدانها وقالتلو :شكرا ونزلت بسرعة منشان ماتسمع من كلامو شي
إتأملها كيف نزلت والخوف بقلبها ودخلت عالبيت وشغل السيارة ومشي كان هاد اللقاء الوحيد قبل العرس
___وقبل العرس بيومين كان امير متسطح ع تختو فاتح تلفونو ع رقم ومحتار يرن ولا لاء وبعد دقيقتين ضغط اتصال وانتظر الرد
-بالبيت آعدة غرام مع اهلها عم تتعشا
• حلا : غرامو صوت تلفونك
• نورا : بنتي كملي اكلك يلي بدو ياكي بيرجع بيتصل
• غرام : رح شوف مين .. يمكن رهف بدها مني شغلة
راحت عالغرفة
حملت التلفون وشافت رقم غريب فتحت لخط
• غرام : ألو
• امير : وعاملة حالك تقيلة مابتردي دغري
• غرام 😕 نئزها قلبها وبلعت ريقها/
أأأ أممير
• امير : اذا مابتعرفي تقولي حبيبي عالأقل قولي أمير بيك
• غرام:........
• امير : اوك خليكي ساكتة وبدي قلك بهاليومين ودعي اهلك منيح رح تشتاقيلن الله بيعلم بعد كم سنة لحتى تلتقو
• غرام / بصوت حزين وعم يرجف /
يآ ريت تفهم انو كل شخص فينآ عندو طآقة معينة ،
مجرد مآ خلصت هَ الطآقة مآ بقآ منقدر نتحمل ، مآ بقآ منقدر نتحمل .. 💔
• امير : .......... عم تبكي!!!
• غرام بتمنى انك تتركني بحالي بكفي تحملت فوق طاقتي
• امير: تؤ تؤ تؤ لسا ماشفتي شي
بليلة دخلتنا رح خلي جبال الدنيا ع قلبك
... ضلت غرام ساكتة وعم تبكي ومااسترجت تسكر الخط وأمير ضل خمس دقايق عم يسمع بكاها الصامت وحاسس بشي غريب وفصل الخط
• أميرلحالو: اصحك ياأمير خليك واعي لاتزعل عليها ابدااا هدول النسوان بيخربو بلد وبيقعدو يبكو عليها وانا رح ربي فيها نسوان الدنيا...................
[ ] وإجا يوم العرس الكل كان معجوق وخايفين ونظرات الشفقة عم تقتل غرام
بعتلا امير اخصائيين عرائس عالبيت وزبطوها وجهرت امورها لتطلع ع حفلة العرس بالقصر يلي براس الضيعة
قربت لعند ابوها ومسكت ايدو وصارت تبوسها
• غرام ; بابا سامحني وارضى عليي
• الاب : انتي يابنتي يلي لازم تسامحيني
رفعت حالها وباست جبينو وقالت انا بفديك بروحي المهم ماحدا يرميك بوردة
ودعت كم شخص وطلعت بالسيارة اجت رهف ركض لعندا
• رهف : غرام انا شوي وبلحقك بس قوليلي وين تلفونك كيف بدنا نتواصل
• غرام : التلفون معي مارضيت ضل حاملتو خفت امير ياخدو حطيتو بشنتاية تيابي الداخلية
• رهف : ماشي يقلبي انتبهي ع حالك😘
بلشت حفلة العرس واجتمعو أهل الضيعة بساحة القصر و حضر كم شخصية مهمة واصدقاء امير واصدقاء الآغا وكم صحفي واقفين عم ياخدو صور للمجلات
دخلت غرام بمكياجها الترابي الهادي وشعرها الوڤي مع بف وتاج ملكي وفستان ع قد الجسم شيفون كت مرصع بحبات لولو ناعمة مع بطانة لحد الركبة وباقي رجليها مخايلين عالشيفون
مشيت بكل بهدوء وبسمة خفيفة ع وجها ووقفت جنب امير وشنكلت ايدها بزندو ماقدر أمير يخفي تعابير وجهو يلي بينت انو عم يغرق بجمالها
(يَبدَأ الحبُّ مِن اللَّحظةِ الَّتي تَخشَى فِيها أنْ تُحِبّ.💙
مال ناح ادنها وقلا : طالعة حلوة كتير
.غرام اتطلعت فيه وابتسمت مجاملة وبلشت كبار الشخصيات يقربو يسلمو عليهن ويباركولن وابو امير ومرتو واقفين جنبهن ويشاركو التهاني بعدشوي قرب الاغا من غرام ولبسها خاتم الماس وباس راسها ...للحظة حست انو كلشي بشع كان ينحكى عنو مجرد اشاعات وكذب
بعد ليلة طويلة وصور واسئلة لاتعد ولاتحصى من الصحافة.. دخلت غرام عالغرفة المخصصة الها ولامير وعم تفكر هية عم تفرك ايديها كيف فيها تمنعو انو يلمسها
وسط خوف وتوتر غرام دخل أمير عالغرفة عم يغني هو وعم بفك الكرافة
وقف قدامها وفك اول زرين بقميصو
• امير: شو ياعروس كيف معنوياتك الليلة ...
• غرام.........
• امير :مبين كتير خايفة بتحبي ساعدك وشلحك الفستان ولبسك تفريعة بيضا ولا بتبدلي لحالك
• غرام : حست قلبها رح يوقف ومو عرفانة شو تقول .. اناا ...انااا ...انا بصراحة
• امير: انتي بصراحة شو??مستعجلة نبلش دغري!😉
• غرام : لا لا لا مافيني انا.. انااا معذورة
اخد امير نظرة طويلة عليها ورفع حاجبو وقلا :أولآ انتي كذابة ....وينا هديك البنت يلي بدها تكسر راسي شايفة كيف دعست ع راسك وراس ضيعتك كلها وصار بدكن رضايي
• غرام : انت عملت هالشي بظلمك وقوتك وجبروتك لاتفرح كتير واي انا كذابة مو معذورة وبفضل موت حالي ع انك تلمسني
• أمير : هههههههههه صار يضحك بصوت عالي ويمشي ايديه بين شعراتو وبعدين سحب الكرافة ومسك ايدين غرام ولفها عليهن وربط اول ربطة
• غرام :انت شو عم تعمل فكلي ايدي ولك بعد عني وصارت تدفشو
• امير ربط ايديها ربطة تانية منشان ماتفك ومسك طرف الكرافة ومشي بإتجاه التخت وصار يسحبها وراه
• غرام: لك منشان الله شبك شوصرلك شو شايفني دابة حتى جاررني وراك هيك
امير مارد عليها سطحها عالتخت وربطلا ايديها بعارضة التخت لفوق
• امير : هصصصصص ولا ربع حرف وهديلي حالك هي الليلة لازم تكوني ريلاكس
• غرام : عم تاخد نفسها بصعوبة من كتر التوتر الله يوفقك فكني لاتعملها
• امير : لك شبكي هدي حالك شوي ليش هيك عم تتنفسي شوفي صدرك كيف طالع نازل مع نَفَسك ولا هي حركات إغراء(وبيغمزها😉👌🏻
• غرام: ...... صارت تبكي عالساكت وتشهق وامير قعد جنبها وعم يتفرج عليها وقلا : انتي مابدك ياني قرب عليكي صح ? صارت غرام تهز براسها بسرعة بمعنى اي صح
• امير:معناها سلميني حالك ياحلوة لانك كل ما قاومتي أكتر رغبتي فيكي عم تكبر، رح ابسطك
• غرام عم ترجف من البكي فشرت سلم حالي لواحد متلك ...خليك بعيد
قرب أمير لعندها ببطء وهدوء وغرس راسو برقبتها وصار يمشي ايدو ع جسمها وهمس مابوسخ حالي مع وحدة متلك .... انا مو بهالبشاعة وابي مستحيل يتسلط ع حدا بس حبيت علمك درس .....
تركها عم تبكي يمكن من لمساتو ويمكن من فرحها انو ماقرب منها وطلع وطول كتيرلرجع وغرام بلشو ايديها يوجعوها وهديت شهقاتا وبعد ساعتين خَبّت زعلها بقلبها و غطت بنوم عميق متل طفلة تعبت من كتر البكي وخلصت طاقتها
.........دخل أمير لعندها عالساعة5 الفجر وقعد عالكنباية وصار يتأمل ملامحها الدبلانة ورموشها يلي بعدن مبللين من الدمع وهمس: معقول يكون في بنت بهالدنيا بتضحي بحالا كرمال ابوها وضيعتها .....هه واصلا شو هالتضحية يلي رح تغمرها بالعز والمصاري وصار عندها خَدَم، عرفت تلعبها منيح ..كل البنات متل بعض بس يشوفو المصاري بتشط ريالتن وتسطح عالكنباية حط ايديه تحت راسو هو وعم يفكر وغط بالنوم
ع الساعة 10حس عالباب عم يندق فتح عيونو وشاف غرام كمان عم تفيق ع صوت الباب قام فتح وكانت الخادمة
• الخادمة :صباح الخير يابيك تفضل الفطور
• امير : أخد منها الصينية وقلا: شكرآ
• غرام زبطت قعدتها وايديها بعدن مربوطين
قعد جنبها عالتخت وحط صينية الفطور
واستناول كاسة مي وشربها شربت المي وقالتلو ; شكرأ
• امير صحة وهنا ، ريتها صباحية مباركة ياعروس
• غرام : ممكن اذا سمحت تفك ايدي ماعدت حاسة فيهن تخدرو
• امير خلينا نفطر متل العرسان بلاول وبعدها منشوف شو منعمل
حمل قطعة توست وحط عليها زبدة وشوية عسل وقربها لعند تمها
اتطلعت فيه غرام وقالت لحالا خليني عم سايرو وانا اصلا فارطة جوع
واخدت عضة وبعدها أمير اخد عضة من التوست من مكان تمها وقلا : امممم مكان شفافك طعمتو اطيب من هالعسلات
ضلت غرام عم تاكل من ايدو وساكتة
• غرام: الحمدلله شبعت
• امير :بتاكلي كتير بس مو باين
عليكي
• غرام : ممكن تفكني بدي فوت عالحمام
قرب امير وفكلا ايديهاهو وعم يتطلع عليها بنظرات بتخوف وبلشت تفرك ايديها يلي معلمة عليهن ربطة الكرافة هية فاتت عالحمام وهو غير تيابو وطلع ...
-مرق عليها اسبوع وماشافت وجه امير ابدا وهالشي ريحها كتير وكانت كل يوم تحكي مع رهف ومع اهلا وطمنت ابوها انها بتنام بغرفة لحالا
• رهف :شو كمان اليوم ما اجا
• غرام : لا الحمدلله ربي يبعدو ويريحني منو كل مااتزكر حقارتو هديك الليلة بشتهي ادبحو
• رهف : طولي بالك حبيبتي بتعرفي شو خطر ببالي صح انو فكرة مجنونة بس ممكن تنفعك ياغرامو
• غرام : شو هية!!!
• رهف : امممم شو رأيك لما يجي تصيري تتقربي منو وتغريه بلأخير هو شب ويمكن يلين
• غرام : يبعتلك حمى اي فكرت شي حل يلا رح سكر واطلع برا هالغرفة لشوف حالي وين ومع مين عايشة
• رهف : اوك ديري بالك ع حالك باي
• غرام : وانتي كمان ، باي
طلعت غرام وكانت لابسة بنطلون قماش عريض باللون الكحلي وكنزة بيضا بورود كحلية ناعمة الها فتحة واسعة عالضهر
وبلشت تتفتل بالقصر الكبير وشافت صبية صغيرة
• غرام :مرحبا
• ماريا : اهلا وسهلا مدام بتأمريني بشي
• غرام : مين انتي شو اسمك
• ماريا : انا ماريا بنت الخادمة إم جواد وبخدمتك ياخانم
• غرام : عاشت الاسامي حبيبتي ممكن بس تعرفيني عالقصر لهلئ مابعرف عنو شي
• ماريا : من عيوني ياخانم تفضلي
عرفتها عالقصر وعرفت المطبخ وصالة الضيوف وغرفة الاكل والمكاتب وكلشي غرفة بالهالقصر
• غرام : وينو هداك مو بالبيت باين
• ماريا : مين ياخانم
• غرام : امير وينو
• ماريا : امير بيك اضطر انو يسافر من يومين ياخانم والمسا راجع
• غرام : اممممم ساويلي فنجان شاي
• ماريا: حاضر
اجا المسا وصارت الساعة 11 وامير ما إجا لسا
• غرام عم تحكي عالتلفون : لا ما إجا يمكن رح يضل بالمدينة
• رهف : ايوا
• غرام: دخيلك اريحلي انشالله مابيرجع بسنة
• رهف ;ياقلبي عليكي قديش عم يعذبك وهي الحمارة سارة مو تاركتك من شرها عم تفتل من بنت لبنت وتحكي عنك رح تجن منك
• غرام : يالله هالبنت شو غيورة وحقودة ياريتها تجي تاخدو عني وتجرب هالعيشة الزفت
فجأة اتفتح الباب ودخل امير وقف قدام المراية وصار يفك الكرافة ويشلح الخاتم والساعة وعيونو بالمراية ع غرام
• غرام : يلا رهوفتي متطرة سكر هلئ برجع بحاكيكي ماشي
• رهف : لاتقوليها.. امير اجا???
• غرام :اي والله ياعمري يلا تصبحي ع خير
• رهف :تلاقي الخير
امير عم يشلح جاكيتو و يفك ازرار قميصو : مين هي رهوفتك
• غرام : رهف بنت جيراني ورفيقتي من زمان
• امير : بتقطعيلي علاقتك معها
• غرام : سكتت شوي وقالت فيني روح زور اهلي
• قرب امير لعندها عالكنباية ومسكها من خدودا وقلا لما بكون عم احكي معك بموضوع مابتغيري فهمانة
• غرام : رهف رفيقة عمري ومابتخلا عنها
• امير :انتي إمك ...
• غرام قاطعتو:الله يرحمها و اصحك تتجرأ وتجيب سيرة امي ع لسانك
• امير رفع حاجبو : رجع لسانك يطول شو رئيك قصلك ياه
• غرام : فيني اسكتلك عن كلشي الا انك تجيب سيرة امي ع لسانك
انت فيك تسمح لحدا متلك يجيب سيرة امك ??
امير عصب كتير وبرزت عروقو وماعرف كيف رفع ايدو وضربها هداك الكف
هرو دموع غرام وقالتلو : تزكر هالكف كتير منيح رح دفعك تمنو غالي كتير رح خليك تمشي بالشارع ومالك عين ترفع راسك وركضت عالحمام وامير طلع وطبش الباب وراه
"و ليشهد الله أنِّي رضيت، و لكنِّي مِن ضَعفي بَكيت."💔........
__تاني يوم العصر دخل لعندها وقلا بتقومي بتحضري حالك متل الخلق عمتي وبنتا جايين ليباركولنا مابدي يصير اي غلط عم تفهمي ...غرام اكتفت انها تهز براسها
والمسا دقت عليها الخادمة ام جواد
• ياخانم العمة وبنتا وصلو وبانتظارك تحت
• غرام: يلا جاية ... كانت لابسةفستان فاتح بلون البيج مع حزام ع خصرا بلون بني غامق واصل لركبتا رابطة شعرها دنبة وحاطة قوص اسود عليه لولو بلون بيج وحلق لولو بيج
وخفافة سودة ع لون القوس
• العمة :شو وينا العروس لهلئ مانزلت
• تالا بنتا :شو اميرو نحنا مو قد المقام لهلئ ما اجت سلمت علينا بكفي اجينا من سفر كرمال نباركلا
• امير اكتفا بانويبتسم وعجبو انها تأخرت انو يعني حركات وبريستيج
• دخلت غرام وسلمت بإيدا ; ياهلا نورتو والحمدلله عالسلامة عمة
• العمة : الله يسلمك مبارك ياعروسة ابن اخي
• غرام : الله يبارك فيكي عمة
• امير ابتسم لانو كان متوقع تقلا ياخانم وانبسط لما سمعا عم تقول عمة
• تالا بغرور : مبروك عليكي اميرو انتبهي عليه مافي شي بيعجبو
• غرام : يبارك فيكي.🙂
• العمة غمزت امير وقالت لك عمتي مو كانها قصيرة عليك ?،قديش طولك غرام وكم عمرك
• غرام :23سنة وطولي 150😅
• تالا: ياااخ اقصر مني
• امير قرب لجنب غرام وحط ايدو ع كتفا وضما لصدرو وقال لعمتو ; هيك احسن عمتو شوفي ما احلاها و شو ناعمة وقد ماكبرت بتضل مبينة صغيرة
• تالا : امممم
• امير : وبعدين يعني الورد مابيطول صح سنفورتي
• غرام ضحكت بإحراج وتلبكت: اي صح
قعدو شوي وبعدها تعشو وقعدو يكملو الاحاديث وامير عم يراقب غرام كيف عم ترد ع اسئلت عمتو باحترام بدون ماتظهر كره او انها مجبورة عليه وهالشي عجبو فيها وشدو الها
• العمة : امير وينو ابوك مو مبين
• امير قاعد جنب غرام وماسك ايدها : بابا من يوم عرسي اخد مرتو وراح عالبيت يلي بالمدينة
• العمة. ع اساس مابيقدر يعيش بالمدينة
• امير. ههه اي ع اساس مابيقدر بس طالما مرتو جنبو مابهمو شي وقلي استلم انا الامور هون
• تالا : لساتا هي الحرباية مرتو بتدايقك بشي
• امير ضغط ع ايد غرام وقال ماحدا بيسترجي يدايقني
• العمة : آااخ منو ابوك بس بدي اعرف كيف عمت عيونو عالدنيا وعليك لك انت ابنو
• امير : ههه عادي عمتو ولايهمك اصلا كل النسوان هيك
• غرام حست بشي وقالت بحالا شكلو مرت ابو مجننتو لحتى بيكره النسوان خرجو الله لايقيمو
خلصت السهرة وكل مين دخل ع غرفتو لبست غرام بيجامة ساتان باللون الزهري البارد وبلشت تزبط التخت لتنام
طلع امير من الحمام لابس شورت اسود قصير وصدرو عاري مشي ناح التخت وتسطح وقفت غرام متلبكة وقالت يمكن بيقصد بهالحركة اني انا نام عالكنبة
حملت مخدتا لتنام عالكنباية
•
امير : لوين!
• غرام : عالكنباية
• امير : نامي هون جنبي
• غرام : بس ....
• امير قاطعها : بدون بس ،بنت عمتي حشرية وممكن تفتح علينا الباب
بتتصرفي متل الخلق وكأنو زوجين عاديين ومنحب بعض واذا حسو ع شي رح اقبرك بأرضك
هزت غرام براسها وتسطحت جنبو ضلو يتقلبو اكتر من نص ساعة
غرام متوترة من وجود امير جنبها وفوق هيك مو لابس وامير كانت كلمات عمتو عم ترن بإدنو" انت إبنو كيف قسي عليك ، الله يرحم امك شوحنونة "
اندارت غرام ع جهة امير
• غرام : نمت
• امير :لا
• غرام :ممكن اسئلك سؤال
• امير هو وحاطط ايدو تحت راسو وعم يطلع بالسقف : شوهو
• غرام : مرت ابوك كانت ظالمتك
• امير التفت عليها: عندك سرعة بديهة
• غرام :كلام عمتك كان واضح ...
ايمتا توفت امك
• امير :..............كان عمري 5سنين
• غرام : ظلمتك كتير مرت ابوك?
• امير،: ...... ظلمها عمل مني رجال وصرت قد حالي ونسوان الدنيا مابتأثر فيني
• غرام :مو كل النسوان متل بعضا ...مرت ابي كتير منيحة معي
• امير رفع حاجبو ; يلي اسما نورا مو امك يعني
• غرام : لا امي توفت وقت ولدتني مابعرفا غير عالصور نورا مرت ابي وكتير منيحة معي وحلا بنتا
• امير حس بالحزن عليها يمكن لانو جرب شو يعني فقدان الام
قرب من غرام ضمها بين ايديه وغمض عيونو :تصبحي على خير
غرام خافت وتوترت لما ضمها وماردت عليه قالت بحالا هاد شوي بجن وبيضربي وشوي لطيف وبضمني شو قصتو شو معو انفصام شخصية صارت تتزكر كلام رهف "هو بيضل شب ويمكن يلين معك" ضلت عم تفكر لنامت ....تاني يوم الصبح فتح امير عيونو وحس بغرام نايمة ع صدور العاري ...